يريدون حب الحسين ينزعونه

بسم الله الرحمن الرحيم

اللهم صلي على محمد وعلى آله الطيبين الطاهرين ..

يريدون حب الحسين ينزعونه
لا وألف لا للذي يفكر بهالجريمه ..

اسم الحسين ياذوله جننه
لا تظنوا لأجل منزلته الرفيعه ..

يعتقد باعتقاده اللي ما فهمنه
حبنا للحسين لجل ملكه مو دينه ..

شوف ابعين أي فرد لو ما يعتقد بدينا
تلقه اسم حسين مكتوب بمقلة عينه ..

شنهو السبب حب الحسين بكل قلب ؟؟
يقولون بحبه وصانا نبينه ..

اسئله منهو كان نبيهم ؟؟
يقلولك منهم موسى وعيسى محيي الموتى بأمر بارينه ..

لكن الحسين بعصر المصطفى موجود
لا والف لا إليعتقد هاي الحقيقه ..

الحسين من قبل الخلق موجود
ومن قبل آدم الملوك تصيح وين إليطلب بدم رضيعه ..

يا وسف ذوله مو من أمتنه
وحب حسين عدهم فرض مو غيره ..

نتحسف نشبههم بأفراد هاي الأمه
تخلت ولا بالت بابن الزهره الجليله ..

وهَم لَليوم يسمعون صوت حسين
ببغضهم يريدون يجتلونه بأي طريقه ..

يحاولون يفجرون بهالناس وينهون حب الحسين
لكنهم وبفعايلهم يزيدون حبه ابقلب الشيعه ..

اليوم .. اليوم نلبي صرخة حسين بالغاضريات
نرد الجواب : " يحسين انضحي الأجسام والأرواح جينه ..

نفخر والله نفخر نموت لكن شنهو هالموت
نموت واحنا زاحفين لحسين نجيله ..

واعلى صدورنا العلامه * ما نهاب الموت *
تعملناها من العباس إن جنا نحمي عضيد العقيله ..

وحسين حبه ما ينزع مثل ما
تنزع الروح من النايم إلمرتاح قليبه ..

وهم حسين ما نحبه مثل حب روميو إلجولييت
احنا نعشق حسين مثل عشق الزهزه لنبينه ..

حب الحسين بقلبنه ما ينباع
لا والذي ألزم قوانين الشريعه ..

لأن حسين يا ناس أغلى من الكنز
يحتفظ بيه الإنسان مثل حفظه للعقيده ..

حسين هاي حسين بيا جمل اوصف إلكم حسين
جذبني .. سلبني .. جنني ابحبه يا خلق هذا ابن العزيزه ..

بارك لله فيك اختي على موضوعك وربي يوفقك